Ao longo do mes de decembro realizaranse unha serie de xornadas de divulgación nos concellos que pertencen ao GALP, co obxectivo de divulgar a súa estratexia e o programa de axudas.

Xa está aberto o programa de axudas do FEMP para que persoas, entidades e institucións do territorio poidan presentar os seus proxectos e acadar o financiamento.

“Abrindo horizontes” é o nome desta campaña, que pretenderá achegar a potenciais promotores do territorio, as posibilidades de financiamento que ofrece o Fondo Europeo Marítimo e de Pesca, para o período de programación 2014-2020.
Despois da constitución dos GALP e da aprobación das estratexias locais de desenvolvemento das zonas pesqueiras en toda Galicia, o GALP da Ría de Pontevedra vai a realizar un proceso de divulgación en todo o seu territorio, co obxectivo de dar a coñecer a súa estratexia e informar sobre as posibilidades do programa de axudas do FEMP.
Estas accións pretenden impulsar e animar a diferentes promotores, para que presenten proxectos ou iniciativas a prol do desenvolvemento desta zona costeira.
As reunións serán abertas a todas as persoas, entidades e institucións dos concellos que comprende o GALP. Nas reunións daranse a coñecer os contidos e as posibilidades que ofrece este programa de axudas, así como o apoio que poden obter do GALP, como entidade colaboradora na xestión das mesmas.
O calendario das xornadas que se prevén desenvolver durante o mes de decembro é o seguinte:

Xoves 15
18:30 Meaño
20:30 Marín (Museo Torres)
Luns 19
11:00 Pontevedra (Sala Bolechas – Casa da Luz)
Luns 19
19:30 Bueu (Praza de Abastos)
Martes 20
19:30 Poio (Concello de Poio)
Mércores 21
19:30 Sanxenxo (Sala Nauta)

A participación nestes espazos é aberta, dirixíndose principalmente a persoas que teñan interese en promover proxectos (tecido empresarial), ás entidades do sector pesqueiro, institucións locais, organizacións e entidades sociais de carácter público e privado, así como á cidadanía en xeral.