Posted by O Grupo de Acción Local do sector Pesqueiro (GALP) Ría de Pontevedra, que coordina e forma parte do proxecto “Candieira: Rede de apoio e promoción dás mulleres do mar” puxo en marcha onte en Poio, no Centro Cultural Xaime Illa, un dobre programa de asesoramento empresarial e asociativo.
Tras os talleres de ideas celebrados ao longo de toda a costa galega durante o verán, as primeiras sesións dos programas Embarca (brinda asesoramento a mulleres con proxectos emprendedores en turismo mariñeiro) e Aliadas (proporciona as ferramentas precisas para levar a cabo iniciativas de asociacionismo das mulleres do mar), cos que se procura reforzar e mellorar a capacitación en cuestións de emprendemento e nos ámbitos organizativo, laboral e persoal, contaron onte cunha boa acollida por parte das mulleres do mar do territorio do GALP Ría de Pontevedra.
Durante as sesións, as mulleres asistentes traballaron e potenciaron os lazos asociativos e deseñaron 2 iniciativas “A semana cultural do mar na Ría de Pontevedra” e “A mellora da saúde das traballadoras do mar”. Ademais dentro do programa Embarca traballaron na promoción de actividades de turismo mariñeiro.
Se eres muller e queres emprender na contorna da Ría de Pontevedra, infórmate sobre o proxecto Candieira e participa