O GALP Ría de Pontevedra pon en marcha unha nova actividade centrada na tradición mariñeira. Trátase do Curso de Artesanía con Redes, que acollerá o local da Asociación de Mulleres Virxe do Porto, en Marín, todos os xoves dende o 17 de outubro ata o 19 de novembro. O taller será impartido pola Asociación de Redeiras Atalaia A Guarda de 17:00 a 20:00 horas.

Esta actividade enmárcase no compromiso do GALP por preservar e transmitir o saber mariñeiro ás novas xeracións e poñer en valor a artesanía vinculada ao mundo da pesca.

O curso está aberto a todos os públicos e para inscribirse é necesario chamar ao 886 213 015. As prazas son limitadas.