O Grupo de Acción Local do Sector Pesqueiro Ría de Pontevedra (GALP-RP) celebrará o vindeiro 17 de novembro unha nova xornada informativa sobre as axudas que xestiona no marco do Fondo Europeo Marítimo, de Pesca e de Acuicultura (FEMPA) 2021-2027. O encontro desenvolverase ao longo da mañá, a partir das 10:00 horas, no Club Náutico de Portonovo, grazas á colaboración do propio club, do Concello de Sanxenxo e do Grupo de Desenvolvemento Rural (GDR) Salnés-Ulla-Umia.

A participación é gratuíta, mais é necesario inscribirse previamente a través do seguinte formulario. Para máis información, as persoas interesadas poden contactar co GALP Ría de Pontevedra no teléfono 886 213 015.